Dev Deepawali: 26 ਜਾਂ 27 ਨਵੰਬਰ? ਜਾਣੋ ਇਸ ਸਾਲ ਕਦੋਂ ਮਨਾਈ ਜਾਵੇਗੀ ਦੇਵ ਦੀਵਾਲੀ
ਕਾਰਤਿਕ ਦਾ ਮਹੀਨਾ ਜਾਂ ਕੱਤਕ ਦਾ ਮਹੀਨਾ ਸਨਾਤਨ ਧਰਮ ਵਿੱਚ ਬਹੁਤ ਮਹੱਤਵਪੂਰਨ ਮੰਨਿਆ ਜਾਂਦਾ ਹੈ। ਸਨਾਤਨ ਧਰਮ ਵਿੱਚ ਵਿਸ਼ਵਾਸ ਰੱਖਣ ਵਾਲੇ ਲੋਕ ਕਾਰਤਿਕ ਮਹੀਨੇ ਦੀ ਅਮਾਵਸਿਆ ਤਰੀਕ ਨੂੰ ਦੀਵਾਲੀ ਦਾ ਤਿਉਹਾਰ ਬੜੀ ਧੂਮਧਾਮ ਨਾਲ ਮਨਾਉਂਦੇ ਹਨ। ਦੇਵ ਦੀਵਾਲੀ ਦਾ ਤਿਉਹਾਰ ਦੀਵਾਲੀ ਤੋਂ ਠੀਕ 15 ਦਿਨ ਬਾਅਦ ਕਾਰਤਿਕ ਦੀ ਪੂਰਨਮਾਸ਼ੀ ਨੂੰ ਮਨਾਇਆ ਜਾਂਦਾ ਹੈ। ਹਿੰਦੂ ਧਰਮ ਵਿੱਚ ਦੇਵ ਦੀਵਾਲੀ ਦੇ ਸਬੰਧ ਵਿੱਚ ਇੱਕ ਮਾਨਤਾ ਹੈ ਕਿ ਇਸ ਦੀਵਾਲੀ ਵਿੱਚ ਮਨੁੱਖ ਹੀ ਨਹੀਂ ਸਗੋਂ ਦੇਵਤੇ ਵੀ ਦੀਵੇ ਜਗਾ ਕੇ ਖੁਸ਼ੀਆਂ ਮਨਾਉਂਦੇ ਹਨ। ਇਹੀ ਕਾਰਨ ਹੈ ਕਿ ਇਸ ਦਿਨ ਨੂੰ ਦੇਵ ਦੀਵਾਲੀ ਦਾ ਨਾਂ ਦਿੱਤਾ ਗਿਆ ਹੈ।
ਦੇਵ ਦੀਵਾਲੀ ਦਾ ਤਿਉਹਾਰ ਕਾਰਤਿਕ ਮਹੀਨੇ ਦੀ ਪੂਰਨਮਾਸ਼ੀ ਨੂੰ ਮਨਾਇਆ ਜਾਂਦਾ ਹੈ। ਇਸ ਸਾਲ ਦੇਵ ਦੀਵਾਲੀ ਦਾ ਤਿਉਹਾਰ 26 ਨਵੰਬਰ ਨੂੰ ਮਨਾਇਆ ਜਾਵੇਗਾ। ਇਸ ਸਾਲ ਕਾਰਤਿਕ ਪੂਰਨਿਮਾ 26 ਨਵੰਬਰ ਦਿਨ ਐਤਵਾਰ ਨੂੰ ਦੁਪਹਿਰ 03:53 ਵਜੇ ਤੋਂ ਅਗਲੇ ਦਿਨ ਸੋਮਵਾਰ, 27 ਨਵੰਬਰ ਨੂੰ ਦੁਪਹਿਰ 02:45 ਵਜੇ ਤੱਕ ਹੈ। ਦੇਵ ਦੀਵਾਲੀ ਕਾਰਤਿਕ ਪੂਰਨਿਮਾ ਤਿਥੀ ਨੂੰ ਪ੍ਰਦੋਸ਼ ਵਿਆਪਿਨੀ ਮੁਹੂਰਤ ਵਿੱਚ ਮਨਾਈ ਜਾਂਦੀ ਹੈ। ਇਸ ਲਈ ਇਸ ਸਾਲ ਦੇਵ ਦੀਵਾਲੀ 26 ਨਵੰਬਰ ਦਿਨ ਐਤਵਾਰ ਨੂੰ ਮਨਾਈ ਜਾਵੇਗੀ ਜਦਕਿ ਕਾਰਤਿਕ ਪੂਰਨਿਮਾ ਦਾ ਵਰਤ ਅਤੇ ਇਸ਼ਨਾਨ ਸੋਮਵਾਰ 27 ਨਵੰਬਰ ਨੂੰ ਹੋਵੇਗਾ।
